Маслаќ со глава ја скроти Шкендија а Чубраковиќ го издржа притисокот, пандевци забележаа нова победа (видео)

1092

Академија Пандев стаса до шестата победа во првенството и повторно изби на лидерската позиција во прволигашкиот шампионат. Марио Маслаќ беше стрелецот на голот, вреден три бода со кои струмичани остануваат во трката за висок пласман ова сезона. Актуелниот шампион Шкендија по вторпат ,,клекна,, пред  пандевци во ова првенство, кои сега имат вкупно 21 бод, еден повеќе од Вардар кој утре игра нагости кај Македонија ЃП.

Марио Маслаќ го постигна голот и тоа во судиското надополнување во првото полувреме. По одлично изведениот корнер од Стојковски , Маслаќ со глава ја смести топката во мрежата на Захов. Тетовци во вторите 45 минути се обидуваа да изненадат но на голот на струмичани, Чубраковиќ не дозволи изненадување, со што пандевци се тим со најмалку примени гола.

Утре се комплетира 10 коло од Првата фудбалска лига а еве го погодокот на Марио Маслаќ за шестата победа на пандевци

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.