Македонскиот фудбалски интернационалец Љупче Дориев кој потекнува од Зубово Општина Ново Село го продолжи договорот со Согдиана за нови четири години и до 2030 тата ќе биде во Узбекистан. Станува збор за играч од струмичката фудбалска школа кој во најквалитетната узбекистанска лига е веќе две години и за Согдиана има одиграни 74 натпревари и постигнато дури 38 гола.
„Го продолжив договорот за нови четири години затоа што не сакав да ризикувам некаде и да потпишам за една или две години договор. По мое мислење сега сум осигурен до 35 година и овде ми се допаѓа се и градот и луѓето и што е најважно добро сум прифатен од сите во клубот. Првенството го завршивме на 9 место со оглед на и ќе има нови играчи и се надевам дека ќе успееме“, изјави за Дрнка.МК Дориев
Тој на крајот од изминатиот месец беше во Македонија кога имаше двоен повод. Црковно се венча со Сандра но и крстија малата Ева. Љупче граѓански брак со Сандра склучија во декември 2024 тата кога пред законот ја крунисаа нивната осумгодишна врска а два месеци подоцна стана татко откако им се роди Ева. Постојано беа на релација Македонија – Узбекистан но сега како што вели Дориев за Дрнка многу полесно е кога сега тие што ги сака се со него.
,, Нашата работа е таква што никогаш неможеш да испланираш нешто бидејки секој ден излегуваат нови предвидени работи така што се трудам максимално слободното време да бидам со семејството. Полесно ми есега бидејки и тие се воде во Узбекистан и брзо се адаптираа на климата овде“, ни кажа Дориев кој во Узбекистан го вкрстуваат меѓу нјадобрите странски играчи во лигата.
фото: Виолета
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
