Членовите на ЛД „Беласица“ од Струмица ја продолжија традицијата на организирање заеднички ручек кај браната Водоча. Настанот требаше да биде минатито викенд но заради лошите временски услови се одржа денеска. Ова беше уште една добра можност членовите на друштвото да се соберат на едно место, да се видат и дружат. Паралелно домаќинот ЛД Беласица организираше богата програма и вредни награди за најуспешните ловци.
Ручекот беше и можност за размена на искуства и разговори за ловечките активности, зачувувањето на дивечот и одговорниот однос кон природата.Ги посети и првиот човек на општината Петар Јанков кој објави дека ловците се и најголеми чувари на македонските шуми но и заштитата и одржувањето на природниот биланс
„Ловството во Струмица не е само традиција, туку пред сè одговорност кон природата. Денешната средба уште еднаш покажа дека вистинските ловци се најголемите чувари на нашите шуми. Тие се подготвени за нивната клучна улога во одржувањето на природниот баланс, заштитата на биодиверзитетот на Беласица и грижата за дивечот во претстојниот зимски период“, објави Јанков
ЛД „Беласица“ – Струмица со ваквите активности го одржува жив духот на ловечкото другарување, потсетувајќи дека ловот не е само активност, туку и традиција што ги обединува луѓето преку пријателството, почитта и љубовта кон природата.
ФОТОГЛАЕРИЈА МОЖЕ ДА СЕ ВИДЕ ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
