По вчерашната изјава на премиерот Христијан Мицкоски кога подвлече дека земјоделците не сакале да протестираат пред откупните пунктови за повисоки цени, на ФБ се огласи и Месното здружение Млади Муртино кои беа организатори на протестите . Тие во својата ракција велат дека се запрепастени и разочарани од онаа што го кажал премиерот Христијан Мицкоски
“Вчера внимателно ја проследивме изјавата на премиерот која сите до еден нè запрепасти, изјава која ги разочара сите земјоделци. Затоа денес чувствуваме одговорност јавно да се обратиме.На основа на вчерашната изјава, чудно е што премиерот воопшто ја нема разбрано проблематиката на нас земјоделците.Ова наше демократско, мирно и културно изразување на незадоволство деновиве, чудно е што го има протолкувано само како едно обично привремено протестирање од неколку дена без притоа да ги разбере нашите ставови, гледишта и суштината на нашата проблематика, јавно коментирајки ја нашата едногласна одлука да одбиеме протести/блокади пред фабриките и трговците со јавно иземање од одговорност на владата и министерството за земјоделие“ стои во реакцијата
Според нив производството на куртовска капија во земјава не е само обична работа и трговија. Годишно се произведуваат над 65 милиони килограми и егзистираат илјадници семејства. Како што наведуваа во целиот процес има и откупувачи и преработувачи при што земајва се гордее со МАКЕДОНСКИОТ АЈВАР
„Едноставно, без суровина нема производ, нема трговија, нема профит, нема самоодржливост. Брендови и фабрики градени со години ќе се затворат, работници ќе се отпуштат, македонски препознатливи брендови ќе ЗАМРАТ. Сценарио кое никој од нас не го посакува, патем на никој од нас ова не му одговара.Оттука јасно да кажеме: Ние не сакаме да ги блокираме трговците, не сакаме да ги уништиме фабриките, туку напротив – ние сакаме да СОРАБОТУВАМЕ (организирано). Сите ние сме, и треба да се третираме како соработници, како алки од синџир од кој што не можеме еден без друг“ стои во реакцијата
Тие тврдат дека во вчерашната изјава на премиерот Христијан Мицкоски се чуствувале како опоненти на власта.
„Не, ние не сме, ние не излеговме на улица да правиме нереди, не излеговме да рушиме влада, не излеговме да протестираме како да не знаеме за што протестираме (како што тоа е протолкувано во изјавата), ние не сме против никого (со сите вас сме), ние излеговме како чисти и чесни земјоделци на улица кои се соочуваат со голема проблематика и истата таа да биде слушната – слушната од вас, од владата.Ние од вас очекувавме и очекуваме медијаторство, авторитет кој ќе застане помеѓу нас земјоделците, откупувачите и фабриките, авторитет кој ќе направи стратегија и ќе постави фер правила на игра поддржани законски кои сите ќе треба да ги почитуваме во иднина.“, стои во реакцијата на Месното здружение Млади Муртино
Земјоделците не сакале да протестираат кај откупувачите на пиперки, тврди Мицкоски
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
