Премиерот Христијан Мицкоски денеска од Скопје одговарајки на новинарско прашање за состојбата со откупот на пиперките во Струмица односно дали се смирува ситуацијата со производителите кажа дека му било чудно што земјоделците не сакале да протестираат пред откупувачите. Тој посочи дека Владата ги поддржува барањата на земјоделците за повисоки откупни цени и оцени дека нивниот труд е потценет од страна на откупувачите. Како што посочи, на земјоделците им било предложено заеднички да протестираат пред најголемите откупувачи, но тие не ја прифатиле таа иницијатива.
-Да, од она коешто сум информиран од страна на министерот за земјоделство, шумарство и водостопанство е дека се водеа разговори. Но она што е многу чудно, сакам да напоменам, кое мене ми беше чудно од тие брифинзи коишто ги добив од министерот, е фактот дека и ние ги поддржуваме земјоделците за повисоки цени. И кога им рековме „Ајде да одиме да протестираме заедно кај откупувачите, знаеме кои се 3-4 откупувачи најголеми, ајде да одиме, еве на една локација ќе биде министерот, на друга градоначалникот еден, градоначалникот два“, а рекоа не. Рекоа „не, зошто да протестираме, па тоа нас не ни одговара“. Па чекајте, велиме ние, ако вас тоа не ви одговара, тогаш Владата не откупува . Еве ние ве поддржуваме. Ние сакаме да имате повисока цена за вашиот род и заслужувате повисока цена, и треба да имате. Вашиот род од страна на откупувачите е потценет, ајде заедно во откупните центри да протестираме сите. Е тогаш наеднаш се постигна договор, наеднаш сите се договорија и наедеднаш се затвори целата оваа приказна. Но, добро е што сега сите се задоволни и што откупот веќе неколку дена тече онака како што очекувавме“, рече Мицкоски
Видеото што кажа премиерот може да се виде ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
