На 20 октомври, со почеток во 19:00 часот, во хотел „Цар Самуил“ во Банско, Струмица, ќе се одржи трибина за подигнување на свесноста за ракот на дојка, под мотото „Розов Октомври – Заедно за љубов, сила и живот“.
Настанот по третпат го организираат „Цар Самуил“ и „Нова Лаб“, продолжувајќи ја иницијативата посветена на поголема информираност за ракот на дојка, важноста на навремените прегледи и отворениот разговор за здравјето на жените.
Во рамки на трибината ќе бидат опфатени повеќе теми поврзани со раното откривање, дијагностиката, третманот, превентивната грижа, исхраната и здравите животни навики, а ќе бидат споделени и лични искуства и пораки за поддршка и храброст.
На трибината ќе учествуваат д-р Борка Грнчарова, специјалист радиодијагностичар, д-р Ненад Лазаров, гинеколог-акушер, д-р Даниела Попоска, онколог, проф. д-р Ангела Василеска Паскуале, како и Камелија Тодорова, сопственичка на ресторанот за здрава храна „Јади здраво“ во Струмица, која ќе ја сподели својата лична приказна и искуство.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
