Струмичкиот прволигаш Брера во четврток со почеток во 09:00 часот ќе организира Отворен фудбалски ден при што посетителите ќе имат можност да се дружат и со македонската фудбалска легенда Горан Пандев.
Сега веќе екс сопственикот на клубот, Горан Пандев, кој и натаму има функција како претседател на Брера Струмица, на оваа средба ќе се обиде на секој можен начин да сподели со јавноста и присутните околу новитетите во клубот, амбициите, и плановите на новите газди, а и негови како функционер во Брера.
,,Брера в четврток организира отворен фудбалски ден на кој сите присутни ќе можат да се запознаат со нашиот клуб, а ќе имаат можност да се дружат и со Горан Пандев. Целта ни е да ја доближиме работата на нашиот клуб со тренажниот процес до сите дечиња и заинтересирни граѓани, кои од прва рака ќе се информираат како да станат дел од нашето семејство. На теренот на ‘СРЦ Пандев’ се планираат голем број игри, возбудувања доделувања на и награди за сите што ќе бидат присутни.Основачот и претседателот на клубот изрази желба в четврток својот роденден да го прослави со сегашните и идни фудбалски таленти на Струмица“, објавија од ФК Брера
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
