Столе Ангеловски, Дона Гетева, Михаел Никoв и Тамара Николова од Струмица оставарија одличен резултат на последниот„Wizz Air“ Скопски маратон. Во конкуренција на 89 тимови тие го освоија трето место во штафетната категорија 4×10 километри мешано. Струмичката четворка настапи под името „TwoPulse“ и маратонската делница ја истрача за 3 часа 20 минути и 7 секунди зад победникот гевгелискиот состав на „7 ми Ноември“ и второпласираниот „Атомик“ од Скопје.
Николова, Ангеловски, Гетева и Ников имаа одлични индивидуални резултати. Секој од нив даде максимум на својата делница истрчувајки ја за време од 45 до 54 минути. Со оглед на огромната конкуренција од 89 тимови со мешани двојки од земјава и странство, Струмичани постигнаа одличен резултат и достоинствено го преставија маратонското трчање во градот под Царевите кули.
Инаку на „Wizz Air“ Скопски маратон 2026 настапија голем број Струмичани кои се докажуваа во маратонското трчање и ја истрчаа делницата за која беа пријавни. Инаку на годинашново издание на „Wizz Air“ Скопскиот маратон собра 15.020 атлетичари од 63 земји од светот и преставува една од најреномираните спортски манифестации во Македонија. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
