ЈЗУ Општа болница Струмица продолжува со унапредување на хируршката дејност, со воведување современи оперативни техники и развој на високо специјализирани медицински процедури. Како што објавија од болницата на својата ФБ страна деновиве била извршена сложена абдоменална операција која се однесува на заболени органи во пределот на панкреасот, жолчните канали а потоа дигестивниот систем повторно се поврзува за да нормално функционира
„Особено значаен успех претставува изведувањето на панкреатодуоденектомија (Whipple процедура) – една од најсложените операции во абдоминалната хирургија. Интервенцијата беше изведена во нашата болница од тим абдоминални хирурзи предводен од д-р Тони Балџиев, со стручна поддршка и консултантска улога на доцент д-р Шенол Тахир, долгогодишен соработник на установата.Овој исклучително сложен оперативен зафат бара висока стручност, прецизност, темелна подготовка и беспрекорна координација на медицинскиот тим. Неговата реализација претставува значаен исчекор во развојот на хируршките капацитети на нашата болница“, стои во ФБ објавата на струмичката болница
Покрај овој значаен оперативен зафат, во Струмичката болница се развива и напредната лапароскопска хирургија, предводена од д-р Љубинка Манчева. Во рамките на оваа хируршка дејност се изведуваат лапароскопски херниопластики, како и ресекции на дебелото црево кај пациенти со малигни и други заболувања, кога постојат соодветни медицински индикации. Кон сето тоа се додава и придонесот на анестезиолозите д-р Мирјана Динева Тренчева и д-р Аница Балџиева.
“Лапароскопската хирургија овозможува помала оперативна траума и, кај соодветно избрани пациенти, помала постоперативна болка и побрзо закрепнување. Размената на знаење и искуство со искусни консултанти дополнително придонесува за развојот на стручниот кадар и унапредување на квалитетот на хируршките услуги.Зад овие резултати стојат стручноста на медицинските тимови, посветеноста на здравствените работници и јасната определба на раководството на установата за континуиран развој и модернизација.“, стои во објавата на струмичката болница
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
