Струмичка Беласица одбележа 104 години постоење. По тој повод беа доделени плакети на вкупно осум фудбалери кои имаат најмногу првенствени натпревари во сино белиот дрес. А тоа се Петар Андреев кој има одиграно 555 натпревари за Беласица во вкупно 22 сезони. Има постигнато 50 првенствени голови и е во Топ 10 стрелците на синобелиот состав. Втор по број на настапи е Милан Василев. Тој за Беласица настапувал 14 сезони и одиграл вкупно 383 натпревари и 69 пато ја тресел противничката мрежа во првенствени натрпевари.Трет по број на настапи е Ристо Панов. Има одиграно 366 меча во 15 сезони и постигнато 21 гол.
Четврти на листата е Костадин Секулов кој за 14 сезони бележи 336 настапи а како одбрамбен играч има постигнато 33 голови. Томе Стојанов е петиот играч со најмногу настапи за Беласица. Во периодот од 1976 до 1990 одигрл 328 првенствени настапи и постигнал 27 гола. Зад него е голманот Дончо Георгиев кој за Беласица брани 13 сезони а како чувар на рмежата застанал во 262 првенствени натпревари Плакета доби и Љупчо Мафков кој одиграл 260 натпревари во 10 сезони за Беалсица при што во сино белиот дрес постигнал дури 115 првенствени голови.
Признание доби и Димитар Георгиев-Шеки кој многумина го нарекуваа генијалец на теренот и најголем струмички талент, стрелец на многу атрактивни голови. Тој за Беласица има одиграно 236 лигашки натпревари и постигнато 50 голови, со што е во топ 10 и во двете категории. За Беласица има играно во 10 сезони.
За и околу историјата на ФК БЕЛАСИЦА може да се виде на веб страна што ја изработи Аце Стојанов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
