Општина Струмица работи на проектна документација за изградба на ново Основно училиште во градот конкретно во населбата „Карпош“ за да го намали притистокот со ученици во ООУ ,,Сандо Масев“ во Струмица но и целосно да се имплементира препораката за едносменско работење. Ова денеска го најави градоначалникот на Струмица Петар Јанков кој подвлече дека со ширењето на населбата “Карпош“ со нови стамбени комплекси каде живеат претежно млади брачни парови со деца, се чуствува потреба од училиште и на тој потег во Струмица.
,, ООУ „Сандо Масев“ има најмногу ученици. Тоа е заради новата населба „Карпош“ каде бројот на деца се зголемува поради изградбата на станови. Училиштето „Сандо Масев„ е едно од најголемите во државата и имаме реална потреба од ново основно школо во тој дел на градот, се со цел да се растерети ООУ „Сандо Масев“ а паралелно ќе се имплементира и препораката за едносменско работење со продолжен престој . Како општина работиме на проектот за ново училиште во Карпош каде има и маркица за таа намена“, кажа градоначалник на Струмица Петар Јанков
Во ООУ „Сандо Масев“ во Струмица во оваа учебна година од прво до деветто одделение се школуваат 1 420 ученици од кои 140 се првачиња. Кон оваа училиште се припои ООУ ,,Гоце Делчев“ од Вељуса кои се оптимизација на училишната мрежа го загуби статусот на Централно усновно школо. Со одлуката на струмичките советници, 30 тината ученици од шесто до деветто одделение од Вељуса, основното образование ќе го продолжат во Струмица.
Освен во ООУ „Сандо Масев“, доволен број ученици има и во остантите три градски основни училишта што не може да се каже за училиштата по населените места. Во Просениково се укинаа вкупно 6 паралелки од прво до деветто одделение, додека во училиштето во Куклиш три паралелки.
Инаку оваа учебна година во Општина Струмица се запишаа 415 првачњиа што е за речиси 20 отсто помалку од лани. Од Општината убедени се дека брројката ќе биде поголема бидејки има сеуште незапишани деца поради сезонската работа на нивните родители. ( В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
