Дечињата на Брера Струмица генерација 2014 година го освоија МОБЕЛИКС КУПОТ во Скопје каде учествуваа вкупно 10 екипи од земјава претежно на клубови кои се натпреваруваат во Прва и Втора фудбалска лига. Надежите на струмичкиот второлигаш предводени од стратегот Кире Ангеловски беа во групата Б каде го освоија првото место без пораз.
Во четвртфиналето славеа против Шкупи со 6:0 додека во полуфиналето играа против прилепски Вондер со 2:0 а во големото финале за пехарот ги надиграа своите врсници од Арсими со 2:0
,,Нашите деца едноставно се прошетаа во Скопје. 6 победи во 6 натпревари и гол разлика од 27:1“, објави тренерот Ангеловски на ФБ
Глигор Василевски е прогласен за најдобар стрелец на турнирот со вкупно 12 гола, додека Филип Недев е избран за играч на Мобеликс КУПОТ во оваа генерација.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
