Фудбалерите на Академија Пандев не успеаа да ја крунисат добрата игра против Шкупи со победа во рамките на седмото првенствено коло на стадионот Благој Истатов во Струмица. Одиграа без голови и го отстапија лидерското место на прволигашката табела каде со 14 бода сега се на втората позиција заостанувајки бод од Вардар со кого силите ќе ги одмерат веќе следното коло
Пандевци доминираа на теренот и ги редеа шансите пред Шкупи во првото полувреме. Илиев, Дориев, Маслаќ не го најдоа вистинскиот пат до мрежата на Тулио кој беше на висина на задачата како чувар на мрежата. Во првите 45 минути единствената шанса гостите ја имаа преку капитенот Бајрами
Во второто полувреме се закани и Шкупи но не постигнаа гол. Судијата Ставрев го поништи голото на Адили со глава оти по изведениот корнер топката завршила во гол аут. Сашко Пандев ја затресе стативата но не и мрежата од слободен удара Крстовски и Стојковски не ја зафатија топката за победа во финишот од средбата
Академија Пандев и понатаму е единствената екипа без пораз во Првата лига има скор од 4 победи и 3 нерешни резултата. Следното коло му гостуваат на Вардар
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
