Секторот за внатрешни работи Струмица во изминатиот период презеде мерки и активности со цел откривање и санкционирање на лица кои неовластено тргуваат со отпад, а со тоа ја загрозуваат животната средина. Притоа, во септември 2026 година во два одделни случаи беа откриени лица за кои постои основано сомневање дека се сторители на кривично дело „загрозување на животната средина и природата со отпадни материи“ по член 230 од Кривичниот законик.
На 02.09.2026 на ул.„Климент Охридски“ во Струмица, полициски службеници од СВР Струмица запреле патничко возило „форд“ со струмички регистарски ознаки, управувано од Д.И.(51) од Струмица, во кое се вршел транспорт на отпад, односно стари предмети од домаќинство, железни предмети и друго.
Исто така, на 08.09.2026 на регионален пат Струмица-Валандово, полициски службеници запреле товарно возило „форд“ со струмички регистарски ознаки, управувано од А.А.(24) од Струмица, при што било утврдено дека се превезуваат стари предмети за домаќинство.
За двата случаи се известени надлежни инспекциски служби, од чија страна предметите кои се превезувале во возилата се одземени, додека по насоки од јавен обвинител, полициските службеници ги одзеле возилата со кои го вршеле транспортот. По целосно документирање на случаите против сите инволвирани лица ќе бидат поднесени кривични пријави.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
