Деновиве општинските инспектори на Струмица во кооридинирана акција со преставници на други институции откриле две возила натоварени со стара бела техника, која била планирана за понтамшен третман со цел да се добие бакар. Зради таа причина Општина Струмица апелира, граѓаните да не ја предаваат старата бела техника и другата отпадна електрична и електронска опрема на неовластени лица.
„Во изминатите денови општинските инспектори, во координација со МВР – СВР Струмица, Сектор за економски криминал, спроведоа засилени контроли на терен. При контролите се одземени две комби возила натоварени со отпадна бела техника, затекнати кај лица за кои е утврдено дека неовластено ја собираат, транспортираат и расклопуваат отпадната опрема“, се наведува во соопштението.
Од Општината ги повикуваат граѓаните да не ја предаваат старата техника на лица без овластување, да не дозволуваат неовластено расклопување на опремата, да не ја палат и согоруваат отпадната опрема и да не ја оставаат старата техника на јавни површини и несоодветни места.
Се додава дека Општина Струмица, преку Секторот за инспекциски работи, во координација со надлежните институции, ќе продолжи со засилени контроли за спречување на неовластено собирање, транспорт, расклопување и постапување со отпадна електрична и електронска опрема.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
