Пепи Велков од Василево полека но сигурно ја освојува Европската кикбоксерска сцена. Тој во својата дисциплина ЛОУ КИК до 67 килограми, викендов се закити со ново злато освојувајки го Светскиот КУП на Унгарија. Одлични борби на младиот Велков со кои ги ,,надмудри“ преставниците на Полска и Украина доволно да се искачи на тронот во Будимпешта носејки уште едно златно одличје за Македонскиот кик бокс.
Ова е трето злато на Пепи Велков за неполна година односно од март до септември . Својот победнички поход го започна во март годинава кога го освои Вако Светскиот куп на Италија собладувајки го во финалето полјакот Матеуш Гржешков со 3:0.
Следниот месец Велков замина на подготовки во Тајланд каде се запозна со голем број кикбоскери совладувајки тактики но раобтејки на психолошката стабилност. Во мај годинава повторно освои ново меѓународно злато и тоа во Турција. Совладувајки го домашниот кикбоскер Арслан Онурџан, Пепи стаса до шампионскиот пехар на Светскиот кик бокс куп во Турција.
Унгарскиот Светски куп беше само уште едно скалило во кикбоскерското докажување на Пепи Велков но и силно позиционирање како репрезентативец на Македонија а во дисциплината Лоу Кик како енигма за противниците. Тој е основач на КБК К1 Арена во Струмица каде со кик бокс се занимваат голем број млади.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
