Заклучно со 31 август во основните училиште во Општина Струмица за новата учебна година има запишано 415 дечиња кои треба да тргнат во прво одделение. Вака не информираа од Општината напоменувајки дека оваа бројка ќе се зголеми со оглед на навиката, упис на првачиња да има и во месец септември заради сезонската работа.
Лани на 1 септември како што информираа тогаш од Одделението за образование при Општина Струмица, во струмичките основни училишта зачекорија 492 првачиња. Но бројката во месец септември се зголеми бидејки дел од родителите подоцна ги запишаа своите деца во прво одделение. Таа бројка се зголеми за дополнителни 30 тина дечиња па според расправата на седницата на Советот во јуни за оптимизација лани имало 524 дечиња во прво одделение.
За последниве 6 години бројот на вкупниот број на ученици од прво до деветто одделение се намалил за 170. Со оптимизацијата на училишната мрежа ова година ООУ Гоце Делчев во Вељуса станува подрачно и таму нема да се изведува настава од 6 до 9 то одделение а во училиштата во општинските основни училишта Герас Цунев во Просениково и Даме Груев во Куклиш ќе се кратат паралелки во одделенска настава.
В.Трајков
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
