За последниве 6 години бројот на наставниците во основните училишта во Општина Струмица се зголемил за 150 а вкупниот број на ученици од прво до деветто одделение се намалил за 170. Вака кажа Александра Ќосева советник за образование при Општина Струмица на седница на Советот на Општина Струмица каде го презентираше планот за оптимизација на училишната мрежа при што даде детален опис за бројот на ученици и наставници во струмичките основни училишта.
Во учебната 2020/2021 година во Општина Струмица имало вработено 394 наставници кои биле задолжени за настава на учениците од прво до деветто одделение, оваа учебна 2025/2026 година имало 545 одделенски и предметни наставници кои работат во 9 те централни и 10 те подрачни основни училишта
За разлика од наставниците вкупниот број на ученици е намален. Во учебната 2020/2021 во училиштата од прво до деветто одделение имало вкупно 5 023 ученика додека последната учебна 2025/2026 годиа во струмичките основни училишта имало 4 855 ученика што е намалување за 170 основци
Тренд на опаѓање има и кај запишаните првооделенци. Во 2020/21 се запишале речиси 600 дечиња во прво одделение, последната учебна година се запишани 524 првооделениц а за следната општинските власти на Струмица се надеваат барем 500 деца што ќе тргнат во прво одделение.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
