ООУ „Гоце Делчев“ од Вељуса од следната учебна година се затвора како централно и преминува во подрачно на ООУ „Сандо Масев“ од Струмица. Таму ќе се школуваат ученици од 1-5 одделение додека учениците до 9 то одделение ќе одат во Струмица во Сандо Масев. Вака одлучи Советот на општина Струмица кој го донесе Планот за оптимизација на училишната мрежа бидејки последниве години бројот на децата се намалува и има паралалеки под законскиот минимум на ученици а бројот на наставниците се зголемил.
Паралално со учениците во ООУ Сандо Масев заминуваат и наставниците по предметна настава кои се вработени на неопределено време. Статусот на ваботените на определено време засега не се знае. Тие се ангажирани до 31 август. Доколку има потреба повторно ќе бидат ангажирани ако не договорите ќе им завршат
Во ООУ Гоце Делчев во Вељуса учат 35 ученици од прво до деветто одделение во девет паралелки. Таму има 25 вработени од кои 12 се на неопределно време а останатите се под договор до 31 август.
Инаку училишната зграда во Вељуса во 2022 година почна да се реконструира при што беа инвестирани 650 илјади евра – пари од Министерството за образование при што се реконструираше кровот, фасадата, санитарните јазли за поголема енергетска ефикасност. (В.Т.)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
