14 општини во земјава преку Дирекцијата за заштита и спасување добија нови возила со водена пумпа за гасење пожари. Примопредавањето се случи денес на настанот „Цивилна заштита помеѓу институциите и граѓаните“ . Од Југоистокот возила ќе добијат Територијалните противпожарни единици во Струмица и Гевгелија со цел да се подобри нивната техничка опременост.
„Во современото време, зголемениот број на секојдневни непредвидени ситуации, несреќи од различен вид и природни и вештачки катастрофи, како и техничката сложеност за нивно отстранување, нѐ научија дека е потребно да создадеме и да развиваме заеднички и комплексен пристап на сите институции со цел донесување на брзи и ефикасни решенија“, рече Ковачевски и потенцираше дека во таа насока е и обезбедувањето на овие 14 возила со пумпи за гасење пожар, чија што вкупна вредност е 42,5 милиони денари, со кои се подобрува техничката опременост за противпожарни интервенции.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
