Општина Ново Село ќе асфалтира десет улици во шест населени места, ќе почнат од Ново Коњарево

942

Штипската фирма ,,Бони интерградба” го доби тендерот за асфалтирање улици во општина Ново Село откако беше распишана јавна набавка за реализација на програмата за изградба на локални патишта и улици на ова општина. Според склучениот договор меѓу општина Ново Село и компанијата изведувач во наредниот период треба да бидат асфалтирани вкупно 10 улици во шест населени места, ќе се реконстурира мостот на влезот во Зубово но ќе се крпат и ударните дупки. За реализација на сите овие проекти општината треба да плати приближно 3 милиони и 600 илјади денари од сопствениот Буџет.

Според информациите што ги добивме од општина Ново Село, ќе се асфалтираат по две улици во Ново Коњарево, Колешино, Самуилово и Старо Коњарево а по една во Мокриево и Сушица. Работите на терен треба да почнат овие денови најверојатно од населеното место Ново Коњарево за да асфалтирањето со улици заврши во населеното место Сушица.

,, Со реализацијата на овие проекти значително ќе биде подобрена патната инфрастурктура во општина Ново Село. Станува збор за улици кои самите граѓани ги истакнаа како приоритетни и потребни за асфалтирање. Со ова програма се очекува да бидат асфалтирани околу илјада метри улици во нашата општина ,, информираше градоначалникот на Ново Село – Никола Андонов

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.