17 годишната Теа Ангелова од Радичево Општина Василево која заврши втора година на Интернационалното средно училиште „Нова“ во Скопје како дел од македонскиот тим, освои сребро и бронза на Меѓународната економска олимпијада во Кина. Таа своето основно образование го заврши во ООУ „Гоце Делчев“ во Василево каде беше и првенец на генерацијата и меѓу најдобрите на сите регионални и државни натпревари .
Теа Ангелова освои бронза на Меѓународна олимпијада по економија, додека среброто го освои во дисциплината IEOx Youth Talks каде натпреварувачите имаа за задача пред останати учесници, гости и организатори да презентираат говори и свои визи на теми од економија и претприемништво до лидерство, потоа технологија, глобални предизвици и лични искуства. Теа имаше говор за вештaчката интелегенција.
Инаку на оваа Меѓународна економска олимпијада во Кина, Македонија ја преставуваа Стефан Младеновски од средното училиште од ,,Јосиф Јосифовски“ од Гевгелија, Теа Ангелова од „Нова“ Скопје, Оливера Џамбазова од СУГС „Орце Николов“од Скопје, Ѓеорги Јаковлев и Ванеса Томова од училиштето „Јахја Кемал“ од Скопје и Струга. Тие беа под менторство на Анета Гацовска и Стефан Ѓоргиев.
Учеството на македонскиот тим во Шенжен во Кина е резултат соработката што средношколците и нивнте ментори ја добиваа во изминатиот период од Народна Банка, Комисија за хартии од вредност, Агенција за супервизија во осигурувањето, Македонска Берза, ВФП Фонд Менџмент и Македонија Осигурување Виена Иншуренс Груп. (В.Трајков фото ФБ)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
