Општина Василево е најдобра локална самоуправа во струмичкиот микро регион по отвореност на податоците за јавноста. Вака констатира Фондацијата Метаморфозис откако изминатиот период ги анализираше перформансите на општините во земајва во четири области и тоа транспарентност, свесност, пристапност и интегритет. Согласно добиените резултати, Општина Василево има 54 индексни проценти што ја става на 11 позиција во земјава
Имано истражувањата на Метаморфозис беа насочени колку општините се транспарентни, односно кои политики и активности ги превзема единицата на локална самоуправа за информирање на граѓаните за својата работа не само во делот на тековните активности туку и во делот на финансиската транспарентост. Во областа свесност се вршеше мониторинг на квалитетот на планирањето и програмирање на политиките што ги спроведува општината. Во делот на пристапност се оценуваше како општината комуницира и ги вклучува граѓаните при одговор на нивните потреби а во областа итегритетот колку општината се приджува кон етичките вредности.
“Горди сме што според Индексот на отвореност 2026, Општина Василево со 54% е меѓу најотворените општини во Југоистокот! Ова признание за мене има посебна тежина, затоа што зад бројките стојат работа, одговорност, посветеност и секојдневна заложба Василево да биде општина блиска и достапна до своите граѓани. Ова не е само бројка. Ова е резултат на работа, транспарентност и одговорност кон граѓаните“, објави градоначалникот Славе Андонов
Имено од Југоистокто најдобра стои Гевгелија со 58 индексни проценти. Втораа е општиан Василево трети се Струмица и Конче со по 45 индексни проценти. Валандово има 44, Радовиш 41, Босилово 39, Богданци 34, Дојран 31 а Ново Село со 27 индексни проценти (В.Т.)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
