Преку Центарот за развој на Југоисточниот плански регион, Општина Струмица ќе добие специјализирано комунално возило за собирање на комунален отпад во вредност од 9 979 800 денари или околу 150 илјади евра, дознава Дрнка.МК. Возилото ќе биде доделено на ЈПКД Комуналец Струмица. Од увидот во Договорот, станува збор за возило од марката Ford Trucks модел 1833DC кој треба да го испорача скопската фирма “Мериториум“ која го доби тендерот на Центарот за развој на Југоисточниот плански регион. Во сумата на Центарот партиципира и Општина Струмица со околу 60 одсто.
Според склучениот Договор, испораката треба да биде во рок од три месеци но првиот човек на општината Петар Јанков недоамна при носењето на ребалансот на Буџетот кажа дека возилото ќе стаса до крајот на септември.
Освен оваа возило според изјавата на Јанков, “Комуналец“ со неодамнешниот ребаланс ќе има средства за набавка и на други две возила од кои едното ќе биде за уредување на депонијата Шапкар. Комуналното пред извесен период доби и трактор кој ќе послужи за комуналната хигиена во општината.
Завчера градоначалникот Пеатр Јанков објави дека ќе добијат и две возила од Владата и тоа металарка и цистерна. ( В.Т)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
