Од неодамна на платформата на Youtube излезе „Свадбарски сплет“ во изведба на млади момци кои потекнуваат од различни градови но се споиле во еден бенд. Сите имаат иста желба. Таму каде што настапуваат гостите да ги кренат на нозе а атмосферата да дојде на максимум. Пет млади музичари ја основаа групата Романтик која од неодамна доби и женски вокал а меѓу нив е и струмичанецот Димитар Филев. Вкупно шест песни се во сплетот на Youtube од каде најавуваат и поголеми проекти…. Тоа беше поводот да разговараме со Димитар…..
Дрнка.МК: Како дојде до идејата да формирате бенд и кој се членува во него
Димитар: Идејата дојде многу спонтано затоа што сите учевме средно музичко образование во Штип, многу често свиревме заедно во слободното време и решивме да пробаме, да создадеме група. Процесот на проби траеше околу 6 месеци, после тоа почнавме да настапуваме. Интересно за нашата група е што сите потекнуваме од различни градови. Јас како Димитар Филев сум вокал и од Струмица. Никола Петровски е хармоникаш тој ни потекнува од Велес. Костадин Настов е кларинетист/саксофонист од Кавадарци. Јован Терзиев во групата свири бас клавијатури и е роден во Струмица. Бубњар на групата е Никола Арсовски од Штип а од неодамна нов член на групата е женскиот вокал Софија Ангелова од Св.Николе.
Дрнка.МК: Зошто ,,Свадбарски сплет“ и која е музиката што се наоѓа на Вашиот репертоар
Димитар: Се гледаме како свадбарска група ,сите од групата сме на исти став дека задоволството кога си во народ и кога си на сцена не е исто.Но секогаш кога ќе ни се пружи прилика ќе свириме кафичи, ресторани … Инспирација секогаш ни е македонската музика затоа и неа ја негуваме. Но секако нашиот репертоар располага со секаков жанр на музика. Поголемиот број настапи ни се во Струмица, а имаме и настапувано и во Охрид, Штип, Кавадарци, Скопје, Пробиштип.
Дрнка.МК: Како Ве прифаќа публиката успевате ли да ја дигнете на нозе
Димитар: Па со оглед на тоа дека сме млади и не сме сеуште толку познати, одлично не прифаќаат. Па затоа вежбаме се трудиме за да ја оствариме нашата цел. Да, секако дека успеваме и за нас како бенд има една вечер што ќе ни остане како спомен. Во Охрид на забава немаше човек што не е качен на маса. Неверојатна атмосфера и преубаво е чувството кога гледаш публиката е на нозе.
Дрнка.МК: Кои се следните планови, може ли да очекуваме авторска песна
Димитар: Планот ни е да продолжиме со нови кавери, авторски песни и уште поголеми проекти што ќе ја кренат атмосферата на максимум“
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
