Спортската футсал екипа на ООУ „Герас Цунев“ од Просениково го освои првото место на Училишната лига Југоисток која се одржа изминативе месеци. Тие денеска на завршниот турнир во Валандово во големото финале славеа со 3:1 против екипата на ООУ Сандо Масев од Струмица. Шампионскиот пехар учениците го примија од првиот човек на Центарот за развој на Југоисточниот плански регион Јован Коцев
Претходно учениците од Просениково во полуфиналето го надиграа тимот на Владо Катранџиев од Гевелија со резултат од 6:0, додека тимот од Сандо Масев во полуфиналето беше подобар од домаќините Јосип Броз Тито со 4:2.
Во малото финале пак подобри беа учениците од Гевгелија кои забележаа победа против екипата на Јосип Броз Тито од Валандово со 4:2.
Во Училишната лига Југосток во футсал по елиминационите натпревари по општини учествуваа вкупно 8 екипи кои беа поделени во две групи. Најдобрите две од секоја група беа на завршниот турнир во Валандово . Инаку на овој турнир преставници имаа општините Струмица, Босилово, Конче, Валандово, Гевгелија и Дојран
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
