Одбојкарката Елена Пандева од Струмица која последниве сезони настапуваше за ОК Струмица Жени дебитираше во италијанскиот тим Феникс Монополи кој настапува во Серија Ц1. Како што објави порталот Спорт плус таа во италијанскиот тим има договор до крајот на сезонава и треба заедно со соиграчките да ја оствари целта – освојување на првото место и пласман во повисок ранг на натпреварување.
„Верувам дека на секоја одбојкарка и е сон да игра во италијанскиот шампионат. Едноставно овде женската одбојка е на највисоко можно ниво, конкуренцијата е огромна, а за квалитетот воопшто и не треба да говорам. Едноставно играњето во Италија, за мене е исполнување на животниот сон“, вели Пандева, за СПОРТ+.МК.
За македонската репрезентативка ова е веќе четврто меѓународно искуство, откако сезоната настапуваше во грчки Ираклис, а две сезони играше во српското првенство за екипите на Ваљево и Србјанка.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
