Продолжува славјето на фудбалерите на ФК Огражден од Ново Село кои се изборија за повисок ранг на натпреварувње од следната сезона. Тие во Општинската фудбалска лига на Струмица го кренаа шампионскиот пехар и по речиси половина век донесоа радост на сите лубители на фудбалот во Ново Село. Според тренероt Никола Јанев ова е успех на сите пред се на добрата организација и несебичното залагање на сите
„Целта ни е остварена,почнавме скромно но со скриена надеж да стигнеме до врвот,за на крајот на сезоната сонот ни стане јаве и ја освоивме шампионската титула.Овој успех на нашата екипа се должи пред се на добрата организација и несебично залагање сите луѓе вклучени во тимот. Прво почнувајќи од претседателот на клубот кој што направи прекрасна координација помеѓу првиот човек на нашата општина и нашите подржувачи од странство кои заедно овозможија услови сето ова да се одвива беспрекорно“, вели Јанев
Сега погледите се свртени кон формирање играчки кадар кој ќе одговори на предизвикот на повисок ранг на натпреварувње. Ново Село има свој фудбалски потенцијал но титулата отвора можност младите да се трудат и да прераснат во врвни спортисти
„Сакам да истакнам дека располагаме со квалитетен ростер на играчи,почнувајќи од искусни и проверени па се до млади и талентирани.Би напоменал дека повеќе од половината играчи во тимот се од 2002 генерација кои што во 2019 година ја освоија шампионската титула во младинска конкуренција настапувајќи за екипата на Академија Пандев,кога ке се спојат искуството и талентот и на останатите играчи успехот е неизбежен. Оваа победничка атмосфера ја зголемува мотивацијата и желбата кај младите уште повеќе да се трудат и настојуваат да прераснат во врвни спортисти. Во моментот сите од ФК Огражден сме фокусирани кон настапот во Трета лига,мислам дека имаме потенцијал имаме квалитетни играчи,но сакаме да обезбедиме уште неколку нови имиња што секако ке ни бидат потребни, за во било какви ситуации да можеме на терен да извадиме квалитетни единаесет“, вели Јанев
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
