Мето Пасков од денеска е новиот претседател на Општинскиот комитет на владеачката ВМРО ДПМНЕ во Струмица. На внатрепартиските избори за прв човек на ОК ВМРО ДПМНЕ во Струмица, од пријавените десетина кандидати неговата програма и визија ја е нависко оценета и ја освои довербата на раководството на партијата во Скопје. Тој ќе го замени Жан Дрвошанов кој во изминатиот период беше прв човек на партијата во Струмица.
Пасков во моментов е шеф на кабинетот на градоначалникот на Струмица Петар Јанков. Беше на кандидатската листа за членови на Советот на Општина Струмица од редовите на ВМРО ДПМНЕ.
Пасков е роден во 1990 година во Струмица каде го завршил и средното образование.
Тој е дипломиран информатичар. Пред да дојде на позицијата шеф на кабинетот на градоначалникот на Струмица Јанков, работеше во приватниот сектор.
Методија Пасков е оженет и има две деца.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
