Граѓаните од Струмичкиот регион кои претрпеа штети од невремето проследено со силен ветар кој наликуваше на ураган на 20 и 21 јули може да поднесат барање за проценка на штетите до матичните општини.
Во Општина Струмица барањата може да се поднесуваат до 31 јули. Во Општина Босилово барањата ќе може да се поднесуваат од 27 јули до 5 ти август. Во Ново Село барања за проценка на штета до општина Ново Село ќе се поднесува од понеделник 27 јули до петок 31 јули. Идната недела ќе се знае рокот за поднесување на барања и во Општина Василево бидејки таму во понеделник ќе има седница. Повеќе од сигурно е дека идната недела ќе може да се пријават штети од силниот ветар и во оваа општина.
Се повикуваат земјоделците кои имаат претрпено штета на своите земјоделски површини и сите граѓани кои имаат предизвикано материјална штета невремето, НАВРЕМЕНО да поднесат барање за процена на штета во наведениот рок со важечки имотен лист, лична карта и трансакциска сметка.
Веднаш потоа на терен ќе излезат комисиите кои ќе ги утврдуваат штетите.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
