Деновиве на иницијатива на градоначалникот на Струмица Петар Јанков интензиво се работи на осветлување на спортскиот терен односно фудбалското игралиште со вештачка трева кај СРЦ Пандев во Струмица. Ова игралиште беше изградено пред пет година од програмата Хетр трик на УЕФА од страна на Фудбалска федерација на Македонија и тогашна Академија Пандев.
Таму веќе се подигнати столбовите за рефлектори со што ќе се овозможат услови и за ноќен тренинг и натпревари под светло.
Реализацијата на овој проект на кој најмногу ќе се израдуват најмладите фудбалерчиња во Струмица е благодарение на Општина Струмица, ФФМ и ОФС Струмица . Во проектот е вклучена и Општина Струмица со сите дозволи но и заложбите на градоначалникот Петар Јанков да бидат осветлени сите спортски терени во општината.
Како што не информираше претседателот на ОФС Струмица Илија Илиев-Ромата по осветлување на ова фудбалско игралиште ќе се пристапи и на осветлување на теренот со вештачка трева Филип Лазаровски. (В.Т.)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
