Општина Василево постави ново ЛЕД паметно улично осветлување во населените места Радичево и Дукатино, со што општина Василево има целосна покриеност со вакво современо и пред се економично, енергетски ефикасно, улично осветлување.
Градоначалникот на општина Василево, Славе Андонов на ФБ соопшти дека ова е едно од неговите ветувања пред граѓаните на овие населени места, кои сега е целосно реализирано „Ова беше мое ветување пред граѓаните на Радичево и Дукатино – денес тоа е реализирано.За жал, овие две населени места беа единствените во Општина Василево што не добија ЛЕД улично осветлување од претходното раководство. Денес ја исправаме таа неправда и инвестираме рамномерно во секое населено место“.
Андонов најави континуитет во инвестициите во сите населени места чиј краен резултат ќе биде поквалитетни услови за живот за сите граѓани.
„Продолжуваме со конкретни дела, инвестиции и проекти што го подобруваат квалитетот на живот на сите наши граѓани.Зборот го претвораме во дело!“, порачува градоначалникот на општина Василево Славе Андонов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
