Фудбалска топка од моделот Тиенто со кое се играло едно полувреме од финалето на првото Светско првенство во Уругвај од далечната 1930 година произведена во Аргентина се чува во Завод и музеј Струмица. Таа е изложена во постојаната музејска поставка, благодарение на семејството Стефкови од Струмица кои во 2019 тата преку паравнукот Ванчо Стефков го имаат донирано овој експонат. Истражувањата констатирале дека топката е оригинал и произведена во Аргентина токму во 1930 тата.
Фудбалската топка во Струмица ја има донесено Ѓорѓи Стефков кој во 1930 тата бил офицер во Сарево во тогашното кралство Југославија која исто така била учесник на Светското во Уругвај. Засега одговорните во Завод и музеј немаат цврсти докази дали Ѓорѓи бил на Светското во Уругвај па ја има донесено во тогашна Југославија или пак ја купил во Сараево додека бил офицер.
,, Се работи за топка од моделот „Тиенто“ со кое се одиграло првото полувреме од тогашното финале помеѓу Аргентина и Уругвај во 1930 година. Второтo полувреме од финалето се играло со моделот „Т“ произведен во Уругвај . Станува збор за топка произведена во Аргентина која е помала и полесна. Истражувавме и дојдовме до сознание дека ваков модел на фудбалска топка има во националниот музеј на фудбалот во Англија и овде во Струмица“, објаснува Бранко Ѓорѓиев директор на Завод и музеј Струмица.
Како што наведуваат од Заводот и музеј Струмица, топката е изработена од кожа со рачно шиени сегменти и препознатлив отвор со кожна врвка. Во нејзината внатрешност се наоѓа гумена комора која се полнела со воздух овозможувајки ја да ја добие препознатливата форма.
Приказната за оваа топка брзо го привлече вниманието на јавноста, па музејот во последните денови бележи зголемен број на посетители меѓу кои најбројни се децата, љубители на фудбалот.
Првото Светско фудбалско првенство се одиграло во Монтевидео во Уругвај а учествувале 13 селекци од кои четири од Европа. Победник била селекцијата на Уругвај која со 4:2 во финалето славела против Аргентина. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
