Ѓорге Стојчев повторно ќе биде прв тренер на сениорите на Брера Струмица. Веста ја објави клубот на социјалните мрежи истакнувајки дека подготовките за новата сезона ќе започнат на 13 јули, кога е закажан првиот тренинг на тимот.
Стојчев е добро познато име во клубот. Покрај тоа што во минатото успешно ја предводеше Брера до вицешампион и на европските натпревари, зад себе има и извонредна сезона со младинскиот тим. Во сезоната 2025/26, под негово водство, младинците на АП Брера Струмица ја освоија двојната круна, триумфирајќи во Младинската лига и во Купот на Македонија, што претставува уште една потврда за неговата успешна работа и посветеност во развојот на младите фудбалери
Во текот на подготовките, планирано е екипата да одигра пет пријателски натпревари, преку кои стручниот штаб ќе ја темпира формата и ќе го воигра составот пред почетокот на новата натпреварувачка сезона.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
