Од формирањето на првиот диксиленд џез оркестар во Струмица и во Македонија во 1967 година — а најверојатно и првиот диксиленд оркестар во некогашна Југославија — па сѐ до денес: JAZZ STReam Festival ја продолжува урбаната приказна на една убава импровизирана стварност.
JAZZ STReam се влева во морето на современите џез територии! Отворање на првото издание на JAZZ STReam Festival со голем концерт на Националниот Џез Оркестар под диригентската палка на маестро Џијан Емин,на4-ти јуни, четврток, во 20:00 часот, во Големата сала на Центарот на култура „Антон Панов“ во Струмица. Сите концерти на останатите три вечери од 5-ти до 7 јуни ќе се одржат на Камерната сцена во Центарот на култура Антон Панов“. На овие вечери ќе настапат Гоце Стевковски Квинтет (5-ти јуни, 20:00 часот); Тони Китановски Трио (5-ти јуни, 21:00 часот); Алиќ, Гошиќ, Ангелов & Јаневски Квартет (6-ти јуни, 20:00 часот); TRANSVERSE (6-ти јуни, 21:00 часот); Летечки Пекинезери (7-ми јуни, 20:00 часот);Hot Jazz Orchestra + Пијан Славеј (7-ми јуни, 21:00 часот).
На првото издание на JAZZ STReam Festival ќе настапат македонски и американски џез музичари и композитори и ќе се изведува авторска музика, како и џез стандарди или џез варијанти на македонски традиционални песни. Во рамките на off-програмата на фестивалот ќе се случуваат и промоции на книги и џез албуми, DJ сетови и jazz jam session-и (џез џем сесии) на повеќе урбани локации низ Струмица — „Крафт бар Вторник“, „Рекорд паб“ и „Пијана Вишна“.
Влезот за настаните од off-програмата на фестивалот е слободен. Влезот за сите вечерни концерти што ќе се одржат во Центарот на култура „Антон Панов“ е бесплатен, а билетите може да се резервираат телефонски (на тел. 072233012) или лично и да се подигнат во Центарот на култура „Антон Панов“, како и во локалите „Крафт бар Вторник“, „Рекорд паб“, „Пијана Вишна“, „Кафетерија Мала сцена“ и „Мир Бистро“.
Од 4-ти до 7-ми јуни 2026-та — Безбеден џез во градот!
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
