Утре се спушта завесата на натпреварувањето од Општинската фудбалска лига на Струмица и сите погледи ќе бидат свртени во Ново Село каде се игра мечот за ШАМПИОНСКА титула. Домашната Огражден со Интер Кукла од Куклиш ќе одлучат за титулата и шансата да се преселат во повисок ранк на натпреварување.
Се е подготвено за утрешното дерби кои се очекува да го следат и рекорден број гледачи. Огражден игра на свој терен и ќе ја има поддршката од новоселчани додека Интер Кукла обезбеди организиран превоз за свои навивачи
Резултатски за Огражден Ново Село кој има вкупно 28 бода или 8 победи четири нерешни исхода и само едн пораз им одговара и реми но за Интер Кукла кој заостанува два бода ќе и биде потребна победа за да ја однесе титулата во Куклиш
,, Очекуваме победа. Мислам дека покажавме дека го заслужуваме тоа прво место и квалитетот е на наша страна. Ќе играме претпазливо, добро ја знаеме Интер Кукла со која есента одигравме нерешено а во зимскиот период славевме во пријателска. Со поддршка од публиката Ново Село ќе се врати на фудбалската карта“ ни изјави Никола Јанев стратег на новоселскитецрножолтите рисови
Оптимизам за победа има и кај Интер Кукла. Васко Панов вели дека атмосферата во неговиот тим е на високо ниво. Свесни се за значењето на мечот но ќе одат да се надигруваат и докажуваат со новоселчани
,, Сите играчи се подготвени. Ќе одлучуваат нијанси бидејки по квалитет сме доста изедначани со Ново Село. Со нас ќе дојдат и автобус и комби со навивачи но и доста со индвидуални автомобили. Ќе биде вистинска фудбалска атмосфера и нека победи подобриот“ ни изјави Васко Панов.
Дербито за титула во Ново Село започнува во 17 часот
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
