,, Па сакам да имам средно образование и кога ќе излезам од овде да се вработам“. Вака ни раскажа 35 годишен осуденик од радовишко кој издржува казна затвор во Казнено поправната установа Затвор Струмица. Осуден е на 15 месеци а на пола од неговата казна заврши прва година средно стручно преку проекот за дооформување на образованието како дел од процесот за посупешна ресоцијализација и реинтеграција на осудените лица. Осуденикот изминатава година учеше вонредно за автомеханичар – тригодишна струка при ДСУ Никола Карев од Струмица и го доби свидетелството за успечно завршена година.
,, Па сакам да имам средно образование. Со оглед дека имам познавања на работат на автомобилите одлучив за тригодишно средно стручно образование конкретно профилот авотмеханичар. Сакам кога ќе излезам да аплицирам за работа во Бучим или Боров Дол за одржување на возилата. Изминативе месеци ми помагаа професорите . Има и други кои учат но јас бев најупорен“ ни раскажува осуденикот
Целиот образовен процес го спроведува ДСУ „Никола Карев“ од Струмица кое од лани стана и Регионален центар за средно стручно образование . Тие се одговорни за процесот на дооформување на тригодишното средно образование на осудени лица на образовните профили автомеханичари и монтери за сува градба. Нивни професори секој месец ги посетуваат ,,вонредните ученици“ не само во струмичкиот туку и во гевгелискиот затвор и помагаат да се совлада материјата.
,,Секој месец организираме полагање со исклучок на јануари и јули. Доставуваме материјали наши професори се на линија со осудените лица за и околу наставните материјали. Освен во Струмица одговорни сме и за дооформување на образованието на осудени лица во Гевгелија. Таму мислам дека три лица успешно ја поминаа учебната година со полагање. Се полага како и за вонредни ученици но осудените лица не плаќаат оваа обврска ја имаат затворите“ ни изјави Архелаос Туранов директор на ДСУ Никола Карев во Струмица
Десетина осудени лица во Казнено поправната установа во Струмица се вклучија во процесот на дооформување на своето средно образование. Сите како вонредни стартуваа од прва година Во декември го имаа полгањето на предметот Македонски јазик
,, Освен што овде стекнуваат работни вештини сега може и да го дооформат своето средно образование се со цел кога ќе излезат од затворот да имаат основа за да аплицираат некаде за работа, односно да бидат поконкурентни на пазарот на труд. Ова е само чекор плус во процесот на ресоцијализација и реинтеграција на осудените лица во општеството. Освен по лошо мислиме дека затворот ќе го запаметат и по убаво односно место каде некои завршиле средно“ вели директорот на КПУ Затвор Струмица Зоран Ристов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
