Владата и одобри на Струмица 5 милиони денари за да спроведе мерки за намалување на аерозагадувањето

239

Владата на денешната седница  донесе одлука да и додели на општина Струмица 5 милиони денари за спроведување мерки за намалување на аерозагадувањето и намалување на високите концентрации на PM10 и PM2.5 во општината, имајки во предвид дека минатата сезона концентрациите со овие честички во Струмица според мерната станица на министерството за животна средина беа постојано на високо ниво.  Меѓудругото дел од овие средства како што стои во соопштението од Владата ќе бидат наменети и за приклучување на струмичката болница на гасоводната межа

,,Со оваа интервенција ќе се намали аерозагадувањето во градот, бидејќи болницата сега се загрева со нафта, со што ќе бидат остварени дополнителни заштеди откако нафтата ќе биде заменета со поевтино и еколошко гориво’’ стои во соопштението од Владата по денешната седница

Инаку во наредниот период општина Струмица треба да подигне зелен ѕид на влезот во градот од кај Радовиш. Зелениот ѕид со разновидни растенија, според информациите на Дрнка.МК треба да биде долг 200 а висок 3 метри  кој ќе биде поставен од десната страна на влезот во градот кај кружниот тек. Истиот ќе има за цел ги апсорбира издувните гасови од моторните возила и прашината.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.