Во рок од десетина дена сите домакинства што живеат во индивидуални стамбени објекти во градот Струмица ќе добијат садови за отпад. Вака најави градоначалникот на Струмица Коста Јаневски и директорот на струмички Комуналец Зоран Ѓоргиев, откако јавното комунално претпријатие, почна со распределба на садовите за домакинствата во градот кои се бесплатни откако беа набавени со општински пари во висина од околу 8 милиони денари.
Локалните власти набавија 8500 садови и досега се поделени 3000 во 15 населени места во општина Струмица а останатите 5 500 садови ќе ги добијат домаќинствата во градот а постапката почна од улицата ,,22 декември ”. Садовите се пластични со зафатнина од 120 литри . Градоначалникот упати апел за нивно одржување.
,,Апелирам до граѓаните за домаќинско однесување со садовите, за да траат подолго и да бидат во служба на подигнување на нивото на комуналната хигиена во градот и населените места” објави градоначалникот Јаневски кој уште еднаш повлече дека секое домаќинство ќе добие нов сад за одлагање на отпадот со што се очекува подобрување на хигиената во и за поурбан изглед на градот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
