Синоќа во организација на македонскиот Културно-информативен центар во Тирана Албaнија, настапи нашата млада пијанистка од Струмица Ивана Мазнејкова, која го отвори фестивалот „Магична флејта“ во Тирана. Таа, пред многубројната публика се претстави со три дела од композиторот Сезар Франк, и според информацијата што ја објави Министерството за култура на Макеоднија, младата струмичанка имала одличен настап пред публиката во Тирана.
,,Нејзиниот настап беше бравурозен, нежен и мајсторски, иако има само 16 години, на што публиката возврати со многу емоции. Директорот и композитор на фестивалот, Фатос Керимај, воодушевен пред публиката изјави: „Taa свири различно од сѐ што сум слушнал, јас и предвидувам блескава иднина“. Веднаш после настапот, мнозина од публиката, посакаа да се фотографираат со неа,, пренесе Министерството за култура на Македонија
Македонскиот Културно-информативен центар, овој месец продолжува со своите активности, веќе на 27,28 и 29 октомври подготвува „Денови на македонска култура во Корча“.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
