Рурална Коалиција на 25 жени од руралните средини им додели сертификати за претприемништво откако посетуваа обука

423

Рурална Коалиција, го одбележа Меѓународниот ден на жените од руралните средини, со успешно завршување на Меѓународната академија на жени претприемачки од руралните средини на кои им беа доделени и сертификати. Паралелно се потпиша и декларацијата на Руралното Женско Лоби како активна заложба за заедничко делување и застапување за унапредување на родовата еднаквост и економското јакнење на жените од руралните средини како производителки на храна.

,,Едукацијата, вложувањето во знаењето, но и развојот на практичните вештини кај жените од руралните средини во делот на претприемништвото е од особено значење за жените, мали производителки на храна во руралните средини затоа што преку развојот на нивното производство и преработки директно се вложува и во процесот на нивно економско јакнење, просперитет, но и социјална инклузија во општеството. Имено, 25 жени од руралните средини во периодот од мај-септември 2022 година активно беа вклучени во првата Меѓународна академија за жени-претприемачки од руралните средини која што се спроведува кај нас,, соопштија од Руралната коалиција

Низ 13 вкупно модули водени од страна на фасилитаторки 25 жени успеаа да го поминат процесот на изработка на бизнис план, да размислуваат за унапредување на сопственото производство, да разменуваат меѓусебно знаења и искуства. Академија за жени претприемачки (AWE 2022), е иницијатива на Бирото за Образование Култура на Министерството за надворешни работи на владата на САД која го имплементира овој проект во над 90 земји во светот поддржувајќи повеќе од 16 000 жени,  кај нас за прв пат преку партнерска соработка со Рурална Коалиција.

,,Незаменливо искуство, можност да се учи од најдобрите, но и да се сработи согласно сите стандарди и процедури, а не како што правиме ние само површно, напомена Емилија Пехчевска како производителка на слатко од шумски плодови, рибизли, бороџун како брендиран производ итн.

,,Од лични проблеми со кожата моја и на моите деца започнав со производство на органска козметика, а денес веќе сум дојдена до 20-тина различни производи и до степен  на нивно брендирање. Оваа Академија ми помогна точно да знам каде да се насочам за да може да продолжам со мојата инвестиција и понатаму.

Магдалена од Македонски Брод, спомна дека Академијата беше одлична можност за неа за да си ја искристализира идејата за развој на едукативен туризам каде што децата ќе може да одгледуваат и да берат овошје и зеленчук, а нивните родители да уживаат во природата и во посетата на пештерата Пешна која што се наоѓа во близина на имотот кој што го поседува.

,,Конкретно ние го отворивме првиот женски рурален е пазар „Наша тезга“, којшто на 3 декември ќе слави една година од своето постоење, ако ви кажам дека почнавме со 40 жени, сега имаме над 150, кој се дел од овој пазар и којшто успешно ги промовираат и исто така ги продаваат и своите производи. Ако можам да кажам дека нешто позитивно се случи од Ковид кризата и од она што во моментот ни се случува, тоа е токму поддршката на овие жени и менувањето на навиките да купуваме исклучиво од пазар. Всушност ние сакавме да направиме еден таков он лјан пазар, каде што секоја од жение си има буквално своја тезга, па може да се запознаете со неа, да ја прочитате нејзината приказна и традиција на производство, да видите нејзините производи и буквално да си изберете производ од која жена ќе го купите, вели Лилјана Јоноска.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.