Струмица ќе добие ново Јавно претпријатие кое ќе го воведе јавниот градски превоз со електрични автобуси

3319

Советот на општина Струмица донесе одлука за формирање ново Јавно претпријатие. Истото ќе се вика „Струмица транспорт“ а основна дејност ќе му биде воведување на јавен превоз со електрични автобуси во градот и приградските населени места.

Воведувањето на еколошки јавен превоз беше најавено со донесувањето на Буџетот за ова година кога советниците за таа намена издвоија 12 милиони денари.

Во наредниот период новоформираното ЈСП Струмица Транспорт ќе има за задача да ги обезбеди сите потребни документи и согласности од држава за да отпочне да функционира.

Спорд досегашните најави, електричните автобуси би требало да се набават на лизинг. Истите  би требало до крајот на годината или почетокот на идната да отпочнат да се обраќаат по утврдени линии при што ќе го превземат и училишниот превоз за кој се трошат околу 143 милиони денари средства од кои ќе се исплаќаат еко автобусите.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.