Наковски волеј го почнува походот за висок пласман во Прва лига, прв противник Вардар ЕМ од Скопје

529

Одбојкарките на Наковски волеј вечерва во салата на СОУ ,,Димитар Влахов” со почеток во 18 часот ја отвораат новата првенствена сезона во која најавуваат атак на врвот од македонската женска одбојка. Прв противник е тимот на ЖОК Вардар ЕМ од Скопје во кој струмичанки влегуваат како фаворитки.

Како што соопштуваат од клубот, Наковски Волеј ова сезона ќе има респектабилен тим во Првата лига, спој на искуство и младост, квалитетен тим кој има потенцијал да се вмеша во борбата за титула со пласман меѓу најдобрите четири екипи за разигрување за титулата.

Ова сезона Првата женска одбојкарска лига брои 8 екипи и ќе има двокружен систем (дома, гости, секој со секого) со вкупно 14 кола по што ќе се знаат екипите кои ќе атактуваат на титулата која од последната првенствена сезона ја носи тимот на Работнички

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.