Александар Васоски најверојатно нема да биде тренер на ФК Академија Пандев за пролетниот дел од шампионатот. Босанските медиуми објавија дека тој преминува како шеф на стручниот штаб на ФК Сараево. Порталот спорт.ба пренесувајки дека се чека официјална потврда од ФК Сараево но од свои извори објави дека Васоски денеска одлуката ја соопштил на управата на струмичкиот прволигаш.
Од ФК Академија Пандев нема официјална потврда дека Васоски ги напушта на четири дена пред стартот на подготовките за пролетниот дел од прволигашкото првенство. Ниту Александар Васоски не беше достапен да одговори дали во понеделник место во Струмица на СРЦ Пандев ќе се појави во Сараево.
Васоски за агенцијата Анадолија потврди дека 99% е тренер на ФК Сараево но требал да заврши некои работи во Македонија од формален карактер
И порталот репрезентација.ба пренесува дека Васоски преминува во ФК Сараево но имало една формална препрека. Имено Васоски има договор со ФК Академија Пандев но имал и џентлменски – доколку добие понуда од странство дека може да замине.
Васоски на кормилото на пандевци дојде на стартот на пролетниот дел од првенството минатата сезона. Успеа да обезбеди опстанок но не и да донесе втора КУП титула. Во ова првенствена сезона, тимот на Академија Пандев го донесе на втората позиција а во понеделник требаше да ја има и првата прозивка за подготовките за продолжението од шампионатот
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
