Од овој месец сметките за гас во Струмица ќе бидат повисоки за речиси 90 одсто откако цената за потрошен кубен гас се зголеми на 80, 4 денари. Досега струмичани за потрошен кубен метар гас плаќаа по 46.5 денари. Веста ја потврди и директорот на ЈП Струмица Гас Благој Милановиќ . Од ова претпријатие велат дека тоа е резултат на енергетската криза и повисоките цени на пазарот.
Ова значи дека за 100 кубни метри потрошен гас ако досега струмичани плаќаа 4 650 денари сега за истата количина гас ќе мора да платат 8 400 денари. Но домакинствата како крајни корисници за потрошените 100 кубика од општината ќе добијат субвенција од илјада денари Имено Општина Струмица ова година одлучи да ја субвенционира цената на гасот за домакиснтвата во висина од 10 денари. За ова намена општината во Буџетот има издвоено околу 3 милиони денари. Засега се утврдува методологијата како ќе се враќаат парите во висина од 10 денари за потрошен кубен метар гас.
Во Струмица каде е изградена гасоводна мрежа од околу 40 километри а на гас се креат околу 400 домакинства, фирми и јавни институции. Гасот се набава во компресирана форма и се декомпресира во Струмица по што се пушта до крајните корисници. Директорот на Струмица гас уште еднаш потврди дека за ова грејна сезона имат обезбедено доволни количини со оглед дека станува збор компресиран гас кој го има во доволни количини во Бугарија, Србија во Скопј и Солун
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
