Младиот готвач Матеј Шапков (19) од Струмица освои бронзен медал на меѓународен кулинарски натпревар што се одржа во Будва во организација на Асоцијацијата на шефови на кујни на Црна Гора. Натпреварот се одвиваше под покровителство и според строгите критериуми на Светската асоцијација на готвачки здруженија, а учествуваа претставници од 14 земји, меѓу кои и Македонија.
„Шапков, кој е дел од тимот на ‘Цар Самуил’ од Струмица, настапи во категоријата рижото под менторство на готвачот Горан Филипов и успеа да се истакне во силна меѓународна конкуренција, потврдувајќи го потенцијалот на младите македонски готвачи. Настанот имаше особено значење за македонската гастрономија“, кажа Адријана Алачки претседателката на здружението „Гастромак“ за смартсдк.
Успешен настап имаа и тимот на здружението за афирмација на млади угостители „Ескофиер“ под менторство Ивана Петров-Ѓорѓиева и готвачот Мите Петров, кои се вратија со повеќе награди. Од „Гастромак“ велат дека дополнителен успех за Македонија е што Горан Филипов и Ивана Петров-Ѓорѓиева ја добија титулата меѓународен гастрономски судија на Светската асоцијација на готвачки здруженија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
