ОО СДСМ Струмица реагира на неодговорнито однос на Општина Струмица кон членовите на гласачките одбори кои и по седум месеца од одржаните Локални избори сеуште им ги нема исплатено надоместоцие. Како што наведуваат во соопштението тоа се граѓани кои чесно и одговорно ја извршија својата должност на изборите а за тоа до ден-денес не им се исплатени законски предвидените паушали.
“Дополнително загрижува фактот што и покрај дописот од ЗЕЛС, со кој јасно се укажува на потребата од итна исплата на овие средства, Општина Струмица продолжува да молчи и да го игнорира овој проблем.Недозволиво е Општина Струмица да не ги исполнува своите обврски, дури и кога постои јасна насока од релевантни институции. Ваквиот однос претставува понижување и потценување на секој поединец кој бил дел од гласачките одбори,,стои во соопштението на СДСМ Струмица
Општинската организација на СДСМ Струмица бара итно постапување и целосна исплата на сите заостанати паушали, без понатамошно одолговлекување.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
