По реакцијата на струмичките социјалдемократи кои попладнево реагираа за неисплатените паушали на членовите на гласачките одбори, попладнево одговор испрати Општина Струмица. Наведуваат дека општината целосно ги исполнува обврските кон граѓаните во рамките на своите финансиски можноси а паралелно ги почитува и препораките од релевантни институции.
„Можностите на Општината за одредени исплати се ограничени. Ограничени се поради големите долгови направени со претходно лошо менаџирање. Односно, активности кои не ја воделе финансиската положба на Општина Струмица во добра насока.
За жал, во Буџетот за 2025 година Локални избори биле предвидени само со една десетина од средствата за кои станува збор. Инаку, станува збор за обврска од над 11 милиони денари. Во меѓувреме, Општината репрограмира и исплаќа големи долгови и камати од 2024 и 2025 година“ соти во одговорот на општина Струмица
Од таму наведуваат дека општината ги подготвува средствата и во првата прилика на прилив ќе бидат доставени до сметките на граѓаните кои учествуваа во избирачкиот процес на гласачките места.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
