Општина Струмица потпиша меморандум за соработка во рамки на иницијативата WiFi4WB, со што се овозможува поставување на бесплатна јавна Wi-Fi мрежа за сите граѓани и посетители.Иницијативата е финансирана од Европската Унија и Владата на Сојузна Република Германија, а се спроведува од GIZ како дел од проектот EU4Digital, со цел да се обезбеди сигурен и бесплатен интернет низ Македонија и Западен Балкан.
Со овој меморандум, опремата официјално е дадена во сопственост на Општина Струмица, додека интернет услугата ќе биде бесплатна во период од 18 месеци. Во рамки на средбата се разговараше и за можностите за имплементација на идни заеднички проекти со GIZ, насочени кон дигитален развој и подобрување на услугите за граѓаните.
Струмица е една од 500-те општини во регионот кои добиваат WiFi4WB мрежа, по примерот на програмата WiFi4EU, преку која се обезбедени бесплатни интернет точки на илјадници локации низ Европската Унија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
