По повод 22 април – Ден на планетата земја, ученици, родители и вработени во подрачното училиште на Св. Кирил и Методиј од Иловица во Секирник го релизираа проектот ,,Шарена училница на отворено“. Станува збор опремување на дел училишниот двор во амфитеатарско катче за изведување на наставни и воннаставни активности во природа. За таа цел беа изработени и бојадисани со заштитна боја дрвени клупи во амфитеатарски распоред, беше бојадисан помошната просторија каде беше поставена и вертикална градина а околу беа засадени цвеќиња и дрвца.
„ Со заеднички труд, ентузијазам и соработка меѓу наставниците, учениците и родителите, како и поддршка од директорот на училиштето, дел од училишниот двор го претворивме во функционален, едукативен и мотивирачки простор за учење на отворено. Новата, ,,шарена училница” ќе овозможи реализација на наставни и воннаставни активности во природа, ќе ја поттикне креативноста кај учениците и ќе придонесе за развој на еколошката свест кај учениците“, објави Софија Митрoва на својота ФБ профил
Паралелно во реализацијата на овој проект помогнаа и Општина Босилово како и фирмите Трне-ком од Дабиле, Трофеј 08 од Иловица, Естетика стил Секирник. Со оваа акција учениците и просветните работниц од ООУ Св. Кирил и Методиј од Иловица испратија порака дека со заедничка сплотеност може да се реализира секој проект во интерес на најмладите.(В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
